][ ملخص برنامج شاعر المليون (2) ][

في 03-Jan-2008 الساعة : 01:46 PM

~*¤ô§ô¤*~السلام عليكم ورحمة الله وبركاته~*¤ô§ô¤*~

يسرني ان اقدم لكم تغطيه شامله و مميزة للحلقه الأولى لبرنامج شاعر المليون و التي شارك فيها 8 شعراء و هم على النحو التالي :

الشاعر بدر الظاهري الحربي
الشاعر بدر بن سعد بن خرفاش السبيعي
الشاعر بندر بن محيا المحيا العتيبي
الشاعر صالح بن سالم آل مانعه المري
الشاعر عبيد راشد اليليلي
الشاعر فيصل اللويش الشمري
الشاعره منيره سبت
الشاعر ناصر بن دهيم الدوسري

*********

1-بدر الظاهري الحربي:

تطير القصايد شوق لاهزها الموضـوع ** تسابق تطير وكل وحـدة ورى الأخـرى
ترى ما يلام الشاعـر التابـع المتبـوع ** اليا جا بييكتب حرف بالمملكـة وازرى
عظيمة ولاجت في سوالف وضحك اربوع ** عظيمة ولا جت صف يمنى على يسـرى
عظيمة ولاجت في عطى والعطى مشروع ** عظيمة ولاجت في ذهب قيصر وكسـرى
عظيمة وجت باللي يقص ويطوع طـوع ** من يدين من ضرى الليالي على المسرى
سرى ليلتن ظلمى ما غير الحكي مسموع ** سرى ليلتـن لانـور فيهـا ولا قمـرى
سرى مامعاه إلا التعب والسهر والجوع ** سرىى ما معاه إلا رجالن تفـك اسـرى
وجا للرياض وبيرقه بالسمـا مرفـوع ** بعد ما اجبر السيف الحدب يكتب ويقرى
دخلها معه سيفن وشلفـا بـدون دروع ** لا ما شهد تاريخهـا تشهـد الصحـرى
يقولون صعبة صعبتن مثل حب الكـوع ** لاكن تبي تضرى وغصبن تبي تضـرى
فتاتن بكت مرة لأجل عقدهـا المقطـوع ** وجاها وهي فـي سالفـة عقدهـا ادرى
واخذها ولبسها الرخى والبـلا مدفـوع ** عظيمـة ولا تتقبـل البيـع والمشـرى
بطلها ابو تركي ولاهي حديـث اسبـوع ** لنا فـوق ميـة عـام بكتابهـا نقـرى

:: تصويت جماهير شاطىء الراحه للشاعر بدر الحربي ::

63% ممتاز

21% جيد

16% متوسط

************

2- الشاعر بدر السبيعي:

تداعي ياهجوس الشعر لامنه دعـاك الـداع
. . . . . . . .كنوز ممتلكها فـي الحشـا مانيـب خازنهـا

اجمل لابتي فالمحتضـر بالجـزل والابـداع
.. . . . . . . . .عقود الدر واللولـو مـن الافكـار اكونهـا

اعيف السهل واعشق كل قاف لادعي ماطاع
. . . . . . . .واجيب المفردات الـي تسلـي مـن تمعنهـا

طرات الشعر معنى مبتكر تطرب له الاسمـاع
. . . . . .تسج الناس معه من الظروف الـي تزامنهـا

وبعد شبه انقرض جزل القصيد الحر بالاجماع
. . . . . . . . .واراضيه جدبت واعيونها غـارت بباطنهـا

ولاعاد امطرت بالماء سماه وخابت الارمـاع
. . . . . . بعثها اموات الاشعار الجزيله مـن مكامنهـا

بعثها الي لصعبات الامـور الكايـده طـواع
. . . . . .محمد مأسس النهضـه ورايدهـا وصاينهـا

محمد يحمده مستنجده مـن جايـر الاوجـاع
. . . . . . . . كريـم مدتـه شمـخ جبـال الفقـر تدفنهـا

جزيل المد سقم الضد نور البدر فوق القـاع
. . . . . قــوي العزم راعي الهزم والرحمـه بموطنهـا

ملاذ اللاج والمحتاج باهـج مهجـة المـلاع
. . . . . يضو الروس فوق وروس من العالي يطمنها

شبيه الليث غيث المستغيث معدل الاوضـاع
. . . . . شياطين البشر في حضرته تتـرك تشيطنهـا

نسل زايد حكيم العرب دمث الخلق واف الباع
. . . . . . . عسى قبره تعلـه غـر الامـزان بغشاينهـا

تفكر وافتكر فكرن بكـر ماقـط قبلـه شـاع
. . . . . . غفال ماعليها قبـل وسمـه وسـم يرهنهـا

وتخير له رجال مامشت بالغـش والاطمـاع
. . . . . . ذممهم مع ضمايرهم نزيهـه تنطـق السنهـا

فهام بالطروق ويقنعـون مخالـف الاسنـاع
. . . . . . . اليامن جـاب لـه منظومـة تفقـد توازنهـا

واذا تاه الدليل وضاع رايه رايهـم ماضـاع
. . . . . . بنادقهم علـى النيشـان مايخطـي مقننهـا

هذا القول الصحيح الواضح اللي ماعليه قناع
. . . . .سما فوق البرامج شاعر المليـون واحزنهـا

ولو كثروا نواقيده علـى التلفـاز والمذيـاع
. . . . . . . . دروب الانتقـاد ثنيـن محـد ظاهـر منهـا

الاول ينقده حقد وغرور وغيض واستلكـاع
. . . . . . . . وياتـي لـه بحجـه مالهـا شـي يبرهنهـا

والاخر كالنبات الي لنـور المشرقـه تبـاع
. . . . . . . . صبغته بالسواد وهـو بـلا جـدوا يعاينهـا

روابع والروابع في تراكيب العقـول انـواع
. . . . . . . . . حد ينزل بهـا واحـد علـوه مـن تمكنهـا

ومنتوج الكلام الصافي الـي ماعليـه اقنـاع
. . . . . . .سما فوق البرامج شاعر المليـون واحزنهـا

:: تصويت جماهير شاطىء الراحه للشاعر بدر السبيعي ::

80% ممتاز

13% جيد

7% متوسط

في 03-Jan-2008 الساعة : 02:10 PM

3_ بندر بن محيا العتيبي:

اليوم والمنبر مراكب شعر فـبحور الخليل ** والريح هبت والبيارق جالها صوت احتفال

ما جا على بالي كلام و شي من هذا القبيل ** الا تذكرت ان بعض الشعر ضرب من الخيال

جتني كذا ماخترت ابكتبها على بحر(ن) طويل ** احيانا(ن) الشاعر قبل يختار يدخل فـإحتمال

بين الحنايا احس رمي وهج نوق ودبك خيل ** كنك تشوف اقواسها مسرح وساحه للنزال

مثل الشجاع اليا اوقضه من غفوته صوت الدخيل ** انا اعتبر شعري شجاع ورجل من روس الرجال

وان مات في سمع الغواهي موتبي موت النخيل ** واليا حيا كنه علم من نار في روس الجبال

اليوم واقع ساحه الشعار فـالواقع جميل ** يامن تحبون الجمال وتستشفون الجمال

قصيدتي عذرا تهز الصمت بالخصر النحيل ** امن الوله كحلتها حبري ومرت من خلال

صدري .. وانا مانيب لا جتني بعد غيبه بخيل ** افتح لها قلبي من اوسع باب لدروب الوصال

يا حضره الجمهور ليه لفكارنا عابر سبيل ** والصدق في كل المواقف تاج راس وراس مال

وانا علي اذكر محبه موطني مع كل جيل ** في كل موقف موطني غالي علي ولا يزال

لي ديرة(ن) فيها يقام الحق حق(ن) مايميل ** المستقيمه يمها كل ماستقام القلب مال

عندي كأن ترابها من زعفران وزنجبيل ** لو انها في نظرة الناظر صحاري من رمال

داري مرابط خيل وسيوف(ن) رهيفات وصهيل ** داري سعوديه .. خليجيه .. ولله الكمال

صبو لها دمي وكفي دون غاليها صقيل ** صدري لها درع(ن) حصين(ن) ما يهد ولا يزال

راس(ن) مايعشق موطنه لو ارتفع يبقى ذليل ** وقلوب ما تنبض بحب أوطانها فيها اعتلال

انا يانجم الجدي ماني في نظر عينك سهيل ** اخترت اكون لك السما لا غابت نجوم الليال

من يوقض الحكمه بسمع الناس قل صبر(ن) جميل ** على سبيل امثال تظهر حكمه ويضرب مثال

لا صرت تجني من حديثك لا تحدثت القليل ** الصمت في حضره جمال الحرف هو معنى الجمال

:: تصويت جمهور شاطئ الراحه للشاعر بندر العتيبي::

63% ممتاز

22% جيد

15% متوسط

**************

4- صالح ال مانعه المري

حضرت وعيون الرجال حراب وعيوني حراب
. . . . . . . . . .ووقفت من بين النشامى وقفة(ن) يدرى بها

اقدر وجية(ن) تقدرني واحسب لها حساب
. . . . . . . . . . . . .واصد عن بعض الوجيه ولا حسبت حسابها

جات البدايه هكذا .. يا اما خطا ولا صواب
. . . . . . . . . . . . لكنها فكره عسى ربي يجملنا بها

حمستها فـالراس حمس البن يوم الكيف طاب
. . . . . . . . . . . .من طيب نكهتها طمع في شربها صبابها

وفوحتها بين المحاني لين فيها البن ذاب
. . . . . . . . . . . . . وقندتها من فكري اللي ما يطيب الا بها

يوم استوت قدمتها لوجيه سمحين الجناب
. . . . . . . . . . . . . ما كنها الا دلة(ن) تبري خوى شرابها

صحيح شاب الوصف لكن من يقول القاف شاب
. . . . . . . . . .. . .الا على روس الطوال النايفات ارقى بها

شاعر واحقر الهينه ويشوش راسي للصعاب
. . . . . . . . . . . . . مانيب حيا الله ليا شاف الصعاب يهابها

اغرف بحر واقطف زهر وانحت على صم الهضاب
. . . . . . . . . . .مثايل(ن) تبطي وهي عند العرب يحكى بها

السبع كانه لا عدى ماله على الشدات ناب
. . . . . . . . . . . تعشته شهب السباع اللي تحد انيابها

واللي مايلقى من يمينه لا طعام ولا شراب
. . . . . . . . . . تصبر على جور الليالي لحيته واشنابها

واللي معه قلب(ن) شجاع وعزم ذيب وعين داب
. . . . . . . . . . وبين الجبال الموحشه دربه وبين هضابها

ومنين ما هب الهوى لقاه لخشوم الركاب
. . . . . . . . . . . من سطوته ماهو يخليها تعوج رقابها

ولا يكل ولا يمل ولا يضيق ولا يهاب
. . . . . . . . . . . .ويعقب اللي ما يقول النار من شبابها

ان كان ما جاه السعد يسبق مراويح السحاب
. . . . . . . . . . . قولت كفو في حق مثله ما يطول غيابها

وانا احتزمت بمحزمي واخذت سيفي والزهاب
. . . . . . . . . . .وشقرا(ن) عليها البندق اللي بين(ن) مضرابها

من دار ابو مشعل سديد الراي حلال الصعاب
. . . . . . . . . . . . حليت في دار الرجال اللي تعز اصحابها

واخذت من غيري كتاب وشفت مضمون الكتاب
. . . . . . . . . . . . . .ماهو كتاب الا وصاة(ن) ما طلعت الا بها

من ثقلها يمكن يبين الشيب في راس الشباب
. . . . . . . . . . . . . مافيه واحد من عيال العود ما وصى بها

اتباع من دون الوطن والملك الانفس والرقاب
. . . . . . . . . . . . . . مافي خساره روحة الارواح دون ترابها

والجادل اللي لبسها ندر الجواهر والثياب
. . . . . . . . . . . .موضوعها اكبر من جواهرها ودق خضابها

تلد لي كنها تقول ادخل عليك من الذهاب
. . . . . . . . . . . . تراك يامي ستر من تبغى الستر بثيابها

قد غارت القعبان تبغيها وعداها عقاب
. . . . . . . . . . . . .حول عليها يوم شامت لأجله وقفى بها

خذها ببيت وحكمه ومعنى ووزن ورفع اداب
. . . . . . . . . . . لو ما معه قوه وعزم ومعرفه ما جابها

وانا حضرت وحضرتي ماهي سوى هي والغياب
. . . . . . . . . . . حضور من يجني فوايد طرقته واتعابها

وان كان في الدعوه بيارق فاللوازم ما نهاب
. . . . . . . . . . . . . حنا لها اما بها .. ولا بقطع ارقابها

::تصويت جمهور شاطئ الراحه للشاعر صالح المري::

82% ممتاز

10% جيد

8% متوسط

في 03-Jan-2008 الساعة : 02:22 PM

5-عبيد راشد الليليلي:

مدينـة كـل مافيهـا تشابـهغريبة بـس ماتبـدي غرابـه
منازل بعضهارحـبٍ وضيـقوبعض بيوت ضيقتها رحابـه

يعيش بكل منزل شخص واحدبعضهم راح جلده مـع زهابـه
مساجدها بعض لقلـوب فيهـاوكنائسها من الداخـل خرابـه

ينصب عرشها كل يوم حاكـمومن عرشه ينكس في ترابـه
تحف أجـواء قلتهـا سكينـهوتمـلأ معظـم الأجـوا كآبـه

مدينه عايشه مـن عصـر آدمولاتشرب سوا مـاء السحابـه
لو أن اللـي حواليهـا تغيـرتعيش تموت ماتتبـع سرابـه

تصب الشمس طهر النور فيهاعلى موعد تزول أبه الضبابـه
تنماللنظـر منـهـا بويـتـاًتهشم سقفه الصخري بما بـه

دخلت بفكري المشـدوه جـوهبعد ما صـدري تبـرع ببابـه
تهجيـت بسـلام الله عليكـموجمّع أحرفي شيـب بشبابـه

ثيابه بيض لكن مـن جبينـهيشع النور لي يطفـي ثيابـه
ملامح وجهه تسبـح وتقـرىبعض آيات مـن كفـه كتابـه

تشوف الكف من طهر بوجهـهيعـوذ بربـه يعبـد جنـابـه
سألني كيف حال الشيخ زايـدوقبل يشوف في خدي الأجابـه

سحبت من الصدر صورة خليفةوإذا به يحضن الصورة وإذا به
يقول الله لايعـذب مـن اللـييقول يعيش من خلـف ذيابـه

:: تصويت جماهير شاطىء الراحه للشاعر عبيد اليليلي ::

80% ممتاز

10 % جيد

10% متوسط

*************

6- فيصل اللويش الشمري

لا تـنـشـدون القـلـب عـن مـنهو سـرقني بالنظر

00000000000دامـه قـدر يطـلـق غـرام ٍفي ضلوعـي حـابـسـه

شـفـتـه ومــا صـدقـت نفـسي بالنهـار ألمح قمـر

00000000جانــي مـثـل مــزن ٍ تـهـادى فـي قفـار ٍ يابـسـه

عــز الله إنه ل حضر ما همني غيــره حـضــر

000000000يسـعد خفوقي لا حضر وإن غاب ينزع واهسه

لا تـنـشـدوني عـن عـيون ٍ وسطـها غنج وخدر

00000000مثـل العـسـل لون العـيون وكـل عـيـن ٍ ناعـسه

وإلا الشـفـايـف لـيـه أوصفها وهي جمـر ٍ حمر

000000000يا لعنـبو حـي الخـدود الشـمـس فـيـهـن جالـسـه

ودي أغــافــل خـده بــحـبـه... ولـكــنــه حــــذر

00000000مـلـعون لا مـنــه إلتفت خلى يـديـنـه حــارســه

مـن قبل أعرفه كنت أشوفه كان بأوراقي شعـر

0000000أقــراه بــعــيـونـي ولا تـقــدر يــدي تــلامـسه

يــامــا حــلــمــت ألمــس يده وأملأ لياليـه سهر

000000000وأسهر معه وأفرح معه وأزعل معه وأجــالسه

وأزعـله وليــا زعــل مــنــي أدور عــن عــذر

000000000وأغار مــن عــطـره عـليه وكـل شـيء ٍ لابسه

له في قصيـدي كل شيء صار بأوراقــي قــدر

0000000000لـه فــي رجوم القـلب غـصن ٍ من قديم ٍغارسه

لا تـنـشـدون القلب عن مـنـهو سرقني بالنـظــر

00000000000دامــه قدر يطلق غرامٍ في ضلوعي حابسه

:: تصويت جماهير شاطىء الراحه للشاعر فيصل اللويش ::

67% ممتاز

18% جيد

15% متوسط

في 03-Jan-2008 الساعة : 02:34 PM

7- الشاعره منيره سبت:

:: تصويت جماهير شاطىء الراحه للشاعره منيره سبت ::

78% ممتاز

6% جيد

16% متوسط

************

8-ناصر دهيم الدوسري:

منفي من الموضة وادور كل ما اشوفه جديـد
............... عكس الرواة وكل ما قالـوه اشبـاه الـرواه

قصيدتي هذي نتاج الهـم واحـزان القصيـد
..........تبكي من اجرام الادب والشعر طايح مستـواه

انا الغريب اللي قعدت هناك في الركن البعيـد
..........مثل العمى اللي علق آماله على مسكة عصاه

اذا الشتاء حول حياتـي كلهـا بـرد وجليـد
..................... زقـارة الدخـان مزتهـا اترجعنـي مـيـاه

متثبت مثـل الجبـل متقـوي مثـل الحديـد
............. متوكـل بالله علـى درب الكرامـة والغنـاه

متناثر مثل الهوى واخذ من انفاسـي واعيـد
............. اتبع هوى نفسي وكل انسان يمشي في هـواه

اصحابي لا صاروا مع العدوان خلوني وحيـد
..............ما عاد يغريني على الدنيا مكـان ولا اتجـاه

اصحابي العدوان شوفوا الدمع يتناثر شهيـد
............... ادفن من دموعي امم واطلب من الله النجـاه

اطيب وادور رضاهم مـا لقيـت الا الجحيـد
.................احاول ابعد من مماشيهم وصارولـي حصـاه

اكبر العقل ولقيـت انـي افيـد ولا استفيـد
...............انسان ينزل لتواضع من سمـاه الـى سمـاه

مشاعر صارت لهب وتقول ياهل مـن مزيـد
.................وانا اضيق وما يوسع خاطـري الا الصـلاه

ياليتني ماني انا وياليت مـا عنـدي رصيـد
.................. دنياي هذي كلهـا دنيـا المظاهـر بالحيـاه

اشلون اغير مجتمع ما يسمـع آداب النشيـد
................ لازم اغير شاعر مسكيـن تايـه فـي غبـاه

ما دامها يا صاحبي حكـام سـادات وعبيـد
.......... اكبر غني بالمجتمع ياطي على باقي الرعـاه

النقص يمشي بالبني آدم كل ما شفتـه يزيـد
................كم واحد يمشي بهالدنيـا كـذا علـى عمـاه

لاشفتهم صاروا كذا برحل من الحزن الاكيـد
....................اسابق انجوم السما اصيح انادي لـي فتـاه

راحت علي اغلى نساء الارض يا الحظ العنيد
............. مكانها صعب المنـال ودايـم تمشـي معـاه

اطول من اطراف النخيل الشامخات ام الجريد
.............. قلبي لها مثل الوطن كنها تربى فـي حشـاه

ما تشرب الا الزعفران واكلها الطلع النضيـد
........... ما تمشي الا من على السندس ولا تلبس سواه

ما تمشي الا كبرياء الخيل في اليوم الشديـد
...............فيها من اطباع الاصايل خجلتن مثـل المهـاه

كن الشوارع تستوي من مشيهـا ولا تحيـد
.............. والورد من تحت القدم ولهان يعطيهـا شـذاه

ما كنها وسط الجهل الا كما الـراي السديـد
..............حبيبتي من كوكب الحلوين ما هي مـن وراه

ابنتظر في كل سكـة مـن محطـات الحديـد
............... ابترك آمالي على المينـا وابتحـرى عطـاه

ابنتظـر وابنتظـر الفـال والحـظ السعيـد
.................اوجد حال اللي يجر الصوت ما يسمع صـداه

شفني تنرفزت وكتبت آخر نتاجـك يالقصيـد
................. قصيدة تسوى جبال الطويق وجبـال السـراه

:: تصويت جماهير شاطىء الراحه للشاعر ناصر دهيم الدوسري ::

89% ممتاز

6% جيد

5% متوسط

في 03-Jan-2008 الساعة : 02:45 PM

//

* تأهل الشاعرين بدر الظاهري و بندر محيا العتيبي إلى المرحله القادمه مرحله الـ 24 ..

* استبعدت الشاعره منيره سبت من المنافسه و غادرت البرنامج مبكراً لحصولها على أقل نسبه من لجنه التحكيم .. !!وهي المشتركه الوحيده من البحرين

* تأهل خمسه شعراء للحلقه القادمه حيث حصل كل واحد منهم على درجه من 50% هي تقييم اللجنه و ستجمع هذه الدرجه مع 50% اخرى من تصويت الجماهير حيث سيتأهل حينها اثنين فقط من الخمسه ..!!

الشاعر بدر بن سعد بن خرفاش السبيعي

الشاعر صالح بن سالم آل مانعه المري

الشاعر عبيد راشد اليليلي

الشاعر فيصل اللويش الشمري

الشاعر ناصر بن دهيم الدوسري

في 03-Jan-2008 الساعة : 03:12 PM

** الحلقه الثانيه **

//

تاهل بالتصويت:

الشاعر بدر بن سعد بن خرفاش السبيعي

الشاعر صالح بن سالم آل مانعه المري(حصل على اعلى نسبه تصويت)

وخرج المشتركين

الشاعر عبيد راشد اليليلي <<حصل على اقل تصويت

الشاعر فيصل اللويش الشمري

الشاعر ناصر بن دهيم الدوسري

********

مشتركي الحلقه الثانيه من شاعر المليون

1-خالد محمد العتيبي

2- خلف مشعان العنزي

3-خلفان الثاني

4-راشد البلوي

5-ناصر الدويش المطيري

6-ناصر محمد العازمي

7-نزهان الركاد الشمري

8-هزاع بن عبدالله

في 03-Jan-2008 الساعة : 05:06 PM

طرح مميز جدا

ومجهود رائع تشكري عليه

وان شاء الله يجد اقبال مميز يتوج هذا المجهود

تقبلي فضووووووووووولي

في 03-Jan-2008 الساعة : 10:18 PM

النجلاء

خطوه جديده وجيده

وطرح جدا رائع يحسب لك اختي

اتمنى التفاعل من جميع اعضاء منتدى مياسه لهذا الموضوع

والأكيد اانهم عودنا على المشاركه

اتمنى التوفيق لكل الشعراء

ولك انتي

تـــ ح ـــياتي

في 04-Jan-2008 الساعة : 12:42 AM

بالتوفيق للجميــع

في 04-Jan-2008 الساعة : 12:49 AM

بالتوفيق للجميــع

في 04-Jan-2008 الساعة : 01:08 AM

ياسلام والله إنهم أبدعو في الشعر

وأنتي أبدعتي في الطرح

سيدتي
النجلاء

تقبلي مروري المتواضع

سيدتي

أجمل تحية وأرق أمنية

في 04-Jan-2008 الساعة : 01:18 AM

/
/

النجلاء

يعطيك العاافيه على طرحك المميز

جهد قيم تشكرين عليه

لاعدمنااكــ...

في 04-Jan-2008 الساعة : 02:18 AM

مجهود تشكرين عليه الله يعطيك العافية

قصائد رائعة اللي فاته حلقة يراقب من هنا :)

الله يعطيك آلف عافيه ونرتقب الأجزاء الأخرى وفقك الله وسدد خطاك

ارق التحايا واعذبها

][ ملخص برنامج شاعر المليون (2) ][

•°•¤ شاعر المليون ¤•°•